Сирек кездесетін аурулар күні

Бүгін, 29 ақпан бүкіл әлемде әлеуметтік мәні бар аурулардың тізбесіне кіретін сирек немесе орфандық аурулар күні ретінде атап өтіледі.

ДДҰ деректері бойынша сирек кездесетін аурулардың таралуы Жер халқының шамамен 7%-ын құрайды, Қазақстанда 100 мың халыққа шаққанда 50 жағдайдан артық болмаса, патология сирек болып саналады.

Бүгінгі таңда диспансерлік есепте орфандық аурулары бар 46 038 пациент тұр, оның ішінде 12104-і бала. Қазақстанда орфандық аурулардың тізбесінде 66 ауру тобы бар.

Орфандық аурулары бар пациенттер тегін медициналық көмектің кепілдік берілген көлемі шеңберінде амбулаториялық және стационарды алмастыратын жағдайларда барлық мамандандырылған медициналық көмекті алады.

Қазақстанда 11 жасар қыздарға адам папилломавирусына қарсы вакцинаны тегін ала алады

Қазақстанда 11 жасар қыздарға адам папилломавирусына қарсы вакцина егу қолға алынбақшы. Вакцинаны ата-ананың жазбаша келісімімен жаңа оқу жылының басында, 2024 жылдың күзінде, Қазақстан Республикасының мектептерінде толығымен тегін алуға болады.

Жоғары онкогенді қауіпті адам папилломавирусы жатыр мойны обырының дамуының негізгі этиологиялық факторы. Жатыр мойны обырының 97%-ы осы вируспен байланысты. Созылмалы вирус тасымалдау белгілі бір жағдайда жатыр мойны обырының дамуына әкелуі мүмкін.

Бүгінде жатыр мойны обыры дамушы елдердегі әйелдер арасында жиі кездесетін қатерлі ісіктің бірі.

Жатыр мойны қатерлі ісігі еш симптомсыз өтуі немесе жыныс жолдарынан кез келген қалыпты емес бөлініс, іштің төменгі бөлігіндегі және бел аймағындағы ауырсыну орын алуы мүмкін.

Зерттеулер көрсеткендей, вакцинаның қорғау мерзімі ұзаққа созылады. Жүргізілген зерттеу нәтижелеріне сүйенсек, екпенің иммуногенділігі вакцина енгізілгеннен кейін 10 жыл ішінде төмендемеген. ДДСҰ бұл вакцинаны қауіпсіз және тиімді деп бекітті.

Туберкулезге қарсы күрес айлығы басталады

2024 жылғы 24 ақпаннан 24 наурызға дейін туберкулезге қарсы күрес айлығы басталады, Дүниежүзілік туберкулезге қарсы күрес күніне арналған іс-шаралар кешені өткізіледі. Бұл күннің ең маңызды міндеті - барлық тұрғындарды біз айтып отырған мәселе әрқайсымызға әсер етуі мүмкін деп шақыру, сондықтан акцияның сәттілігі әр адамға байланысты. Біз өзімізден, өмір салтымыздан бастаймыз. Біріншіден, профилактикалық тексеруден өтіп, салауатты өмір салтын ұстануға тырысу керек. Ең бастысы: аурудың алғашқы белгілерінде дереу медициналық көмекке жүгіну керек. Бүгінгі таңда туберкулезді толығымен емдеуге болады. Туберкулезбен ауыратын адамдар басқаларға қауіп төндірмей, сапалы, жарқын, толыққанды өмір сүре алады.

Қазақстанда еліміздің барлық аумағында 1 наурыздан бастап бірыңғай уақыт белдеуі енгізіледі

Қазақстанда еліміздің барлық аумағында 1 наурыздан бастап бірыңғай уақыт белдеуі енгізіледі. Бұл шешім бастапқыда көптеген пікірталастарды тудырды, бірақ адам денсаулығына әсер ету тұрғысынан биологиялық дұрыс уақыт белдеуі өте маңызды.

Адам ағзасы тәулік бойы гормондардың әсеріне ұшырайды және іс жүзінде барлық сергу, ұйқы, белсенділік, стресс, қалпына келтіру процестері және жалпы организмнің жұмысы гормондардың түзілу уақыты мен деңгейіне тікелей байланысты.

Гормондар түзілуінің тәуліктік циклі организмінің тәуліктік ырғақтарымен реттеледі, олар өз кезегінде табиғи, күн уақытымен басталады және синхрондалады. Бұл процесс басқа сыртқы факторларға бағынбайды.

Гормондардың әсерінен организмнің уақтылы қалпына келуі, ұйқының сапасы, ояту және сергу кезеңдері, ақыл-ой белсенділігі, барлық осы процестер белгілі бір гормондардың деңгейімен өте жақсы реттеледі және қатаң режим мен циклге ие.