В және С вирустық гепатитінің қалай алдын алуға болады?

Инфекцияны болдырмаудың сенімді әдісі - В гепатитіне қарсы вакцинация. Қауіпсіз және сенімді вакциналар бар. 6 ай ішінде вакцинаның үш инъекциясын жүргізу ұсынылады. Кез-келген жастағы адамдар үшін вакцинация жасатуға болады. Әсіресе жұғу қаупі жоғары адамдарға вакцинация өте маңызды.
С гепатитіне қарсы вакцина әлі жоқ.

Міндетті медициналық сақтандыру жүйесіндегі мәртебеңізді бірнеше жолмен тексеруге болады

1. Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады.

2. Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.

Қазақстандағы шетелдіктер қандай медициналық көмекке жүгіне алады?

Шетел азаматтары айналасындағыларға қауіп төндіретін ауру диагнозы қойылса, барлығы медициналық көмек ала алады. Оның түрлері мен көлемдері ҚР ДСМ 2020 жылғы 9 қазандағы №121 бұйрығымен бекітілген. Медициналық көмек ТМККК қаражаты есебінен берілетін болады.

Акушер-гинекологқа жүктілік бойынша қалай тіркелуге болады

Өзіңізді емханаларға тіркегеннен кейін, келесі қадам – 10 апта ішінде емделуге медициналық есепке тұру үшін тіркелу қажет. Консультацияға ертерек келіп, жүгіну жүктіліктің асқынуларын анықтауға және босанудың нақты күнін анықтамас бұрын жүктілік жоспарын жасауға мүмкіндік береді.

Негізінен жүкті әйел нақты тұрғылықты жері бойынша акушер-гинекологқа жүгінуі керек.

Тіркеу үшін келесі құжаттар қажет:
- Жеке куәлік (түпнұсқа және көшірмесі - 2 дана)
- Флюорография
- Микрореакцияның талдау анализі
- Жүктіліктің 12 аптасына дейін өткен алғашқы УДЗ
- Күйеудің жеке куәлігінің көшірмесі (егер сіз некеде болсаңыз)
- Неке туралы куәліктің көшірмесі (егер сіз некеде болсаңыз)
- Күйеуінің флюорографиясы (егер сіз некеде болсаңыз)
- Күйеуінің АИТВ-инфекциясын талдау анализі (егер сіз некеде болсаңыз)

БУЛЛИНГ: БЕЛГІЛЕРІ МЕН БАЛАҒА ТИГІЗЕТІН САЛДАРЫ ТУРАЛЫ

ЮНИСЕФ мектептегі буллинг немесе қудалау сияқты қазіргі заманның күрделі мәселесін көтеруде.

ЮНЕСКО-ның "Сандар нені білдіреді? Мектептегі зорлық-зомбылық пен қорқытуды жою" деген баяндамасына сәйкес әлемдегі әрбір үшінші оқушы өз құрдастары немесе сыныптастары тарапынан әртүрлі қорлау мен зорлық-зомбылыққа тап болады.

Өкінішке орай, бұл адамды жарақаттайтын тәжірибе із-түзсіз жоғалып кетпейді және уақыт өте келе психологиялық жарақатқа айналуы мүмкін.

Зерттеулер көрсеткендей, Қазақстандағы әрбір бесінші оқушы буллингке ұшырайды. Балалар келбетінің өзгеше болуы, сәнді нәрсеге қызығушылық танытпау, жалпы процестерге қатысқысы келмеу, тұйықтық сияқты түрлі себептерге байланысты буллингтің құрбаны болуы мүмкін. Агрессор мен жәбірленушінің күштерінің теңсіздігі, қайталануы, жәбірленушінің өткір эмоционалды реакциясы буллингтің маңызды белгілері болып табылады.